Take a fresh look at your lifestyle.

കണ്ടെത്തിയ മൃതദേഹം ലിഗയുടേതല്ല ദുരൂഹത തുടരുന്നു;

പോത്തൻകോട്: ആയു‍ര്‍വേദ ചികിത്സയ്ക്കായി കേരളത്തിലെത്തിയ ലിത്വാനിയ ഡബ്ലിൻ സ്വദേശിനി ലിഗ(33)യുടെ തിരോധാനത്തിൽ ദുരൂഹത തുടരുന്നു. കുളച്ചൽ തീരത്തുനിന്ന് കണ്ടെത്തിയ വിദേശവനിതയുടെ മൃതദേഹം തിരിച്ചറിയാൻ ബന്ധുക്കള്‍ക്കായില്ല. ഇതേത്തുടര്‍ന്ന് മൃതദേഹം ആശാരിപള്ളം മെഡിക്കൽ കോളേജിലേയ്ക്ക് മാറ്റി.

പോത്തൻകോട് അയിരൂപ്പാറയ്ക്ക് സമീപം അരുവിക്കരക്കോണത്തുള്ള ധര്‍മ ആയുര്‍വേദ ഹീലിങ് സെന്‍ററിൽ കഴിഞ്ഞ മാസം മൂന്നിനാണ് ലിഗയുടെ ഭര്‍ത്താവ് ആന്‍ഡ്രൂവും സഹോദരി ലിസിയും എത്തിയത്. ഒരാഴ്ച മുൻപാണ് ലിഗയെ ഇവിടെ നിന്ന് കാണാതായത്.

കടുത്ത വിഷാദരോഗത്തിനടിമയായ ലിഗ ചികിത്സയ്ക്കിടെ ആരുമറിയാതെ പുറത്തു കടന്ന് ഒരു ഓട്ടോറിക്ഷയിൽ കോവളത്തെത്തിയതായി പോലീസിന് വിവരം ലഭിച്ചിരുന്നു. പോകുമ്പോള്‍ ലിഗ പണമോ മൊബൈലോ എടുത്തിരുന്നില്ല. ഇതുസംബന്ധിച്ച് ലിഗയുടെ ഭര്‍ത്താവ് പോത്തൻകോട് പോലീസിൽ പരാതി നല്‍കിയിരുന്നു.

പോലീസ് അന്വേഷണം നടക്കുന്നതിനിടയിലാണ് കുളച്ചൽ കടൽത്തീരത്ത് വിദേശവനിതയുടെ മൃതദേഹം വന്നടിഞ്ഞതായി വിവരം ലഭിച്ചതിനെത്തുടര്‍ന്ന് പോത്തൻകോട് എസ്ഐ അശ്വിനിയുടെ നേതൃത്വത്തിൽ പോലീസ് സംഘം ബന്ധുക്കളെ സ്ഥലത്തെത്തിച്ചത്.
Leave A Reply

Your email address will not be published.